தீபாவளி விடுமுறை: மருத்துவத் தேர்வுகள் ஒத்திவைப்பு

தீபாவளிக்கு மறுநாள் அரசு விடுமுறையாக அறிவிக்கப்பட்ட நிலையில், அன்றைய தினம் நடைபெறவிருந்த மருத்துவப் படிப்புகளுக்கான தேர்வுகள் ஒத்திவைக்கப்பட்டுள்ளன.



இதுகுறித்து தமிழ்நாடு டாக்டர் எம்.ஜி.ஆர். மருத்துவப் பல்கலைக்கழக துணைவேந்தர் டாக்டர் சுதா சேஷய்யன் வெளியிட்ட அறிவிப்பு:


தீபாவளிக்கு மறுநாள் (அக். 28) பல்கலைக்கழக உறுப்பு கல்லூரிகளில் மருத்துவம் சார் அறிவியல் படிப்பு (Allied Health Science) மற்றும் இந்திய மருத்துவப் படிப்புகளுக்கான தேர்வுகள் நடைபெறவிருந்தன

.

இந்த நிலையில், அன்றைய தினம் அரசு விடுமுறையாக அறிவிக்கப்பட்டுள்ளதால், மருத்துவம் சார் அறிவியல் படிப்புக்கான தேர்வு நவம்பர் 4-ஆம் தேதியும், இந்திய மருத்துவப் படிப்புக்கான தேர்வு நவம்பர் 9-ஆம் தேதியும் ஒத்திவைக்கப்பட்டுள்ளன.