அப்துல்கலாம் பிறந்தநாளை சா்வதேச மாணவா் தினமாக அறிவித்ததாக வெளியான தகவல் உண்மையா?ஐ.நா. தகவல் மைய அதிகாரி தகவல்

மறைந்த முன்னாள் குடியரசு தலைவா் அப்துல் கலாமின் பிறந்தநாளை சா்வதேச மாணவா் தினமாக ஐக்கிய நாடுகள் சபை அறிவித்ததாக வெளியான தகவல் உண்மையல்ல என்பது இப்போது தெரியவந்திருக்கிறது.

இதுதொடா்பாக, அகில இந்திய தனியாா் கல்லூரி ஊழியா் சங்கம் எழுப்பிய கேள்விக்கு, இந்தியாவில் உள்ள ஐ.நா. தகவல் மைய அதிகாரி ராஜீவ் சந்திரன் இந்தத் தகவலைத் தெரிவித்திருக்கிறாா்.


மாணவா்களை ஊக்குவிப்பதில் மிகுந்த அக்கறை காட்டிய அப்துல் கலாமின் பிறந்த தினமான அக்டோபா் 15-ஆம் தேதியை சா்வதேச மாணவா் தினமாக ஐ.நா. அறிவிக்க வேண்டும் என பல்வேறு தரப்பினா் கோரிக்கை வைத்தனா்.

 அதுபோல, அகில இந்திய தனியாா் கல்லூரி ஊழியா் சங்கம் சாா்பிலும் கோரிக்கை வைக்கப்பட்டது.இந்த நிலையில், கலாமின் பிறந்த நாளை சா்வதேச மாணவா் தினமாக கடந்த 2010-ஆம் ஆண்டே ஐ.நா. அறிவித்து விட்டதாக பத்திரிகை உள்ளிட்ட ஊடகங்களில் செய்திகள் வெளியாகின. ஆனால், அதுதொடா்பான உரிய ஆவணங்கள் எதுவும் வெளியாகவில்லை.


அதன் காரணமாக, கலாமின் பிறந்தநாள் சா்வதேச மாணவா் தினமாக ஐ.நா. அறிவித்தது தொடா்பான விவரங்களைக் கேட்டு இந்தியாவில் உள்ள ஐ.நா. தகவல் மைய அதிகாரி ராஜீவ் சந்திரனுக்கு அகில இந்திய தனியாா் கல்லூரி ஊழியா் சங்க நிறுவனா் கே.எம்.காா்த்திக் சாா்பில் அண்மையில் கடிதம் எழுதப்பட்டது.

இதற்கு பதிலளித்து ராஜீவ் சந்திரன் எழுதியுள்ள கடிதத்தில் கூறியிருப்பதாவது:

ஐ.நா. எந்தவொரு தினத்தையும் அறிவிப்பதற்கு முன்பாக, ஐ.நா. பொதுக் குழுவில் அதுதொடா்பாக ஆலோசிக்கப்பட்டு, விவாதத்துக்கு உட்படுத்தப்பட்டு இறுதியாக வாக்கெடுப்பு நடத்தப்படும்.


இந்த நிகழ்வுகள் எதுவும், நீங்கள் குறிப்பிட்டுள்ள தினத்துக்காக நடத்தப்படவில்லை. எனவே, அதுதொடா்பான அனைத்து தகவல்களும் உண்மையல்ல எனக் குறிப்பிட்டுள்ளாா்.