கலை கல்லூரிகளில் சேர விண்ணப்பம் செய்துள்ளவர்கள் விவரம்

கலை கல்லூரிகளில் சேர விண்ணப்பம் செய்துள்ளவர்கள் விவரம்

கொரோனா தொற்று காரணமாக அரசு கலை மற்றும் அறிவியல் கல்லூரிகளில் சேருவதற்கு ஆன்லைன் மூலம் விண்ணப்பிக்க அரசு அறிவிப்பு வெளியிட்டு, கடந்த 20-ந்தேதி முதல் மாணவ-மாணவிகள் விண்ணப்பித்து வருகின்றனர். 

இந்தநிலையில் சான்றிதழ் பதிவேற்றம் செய்வதற்கு கால அவகாசம் வேண்டும் என்று மாணவர்கள் கோரிக்கைகள் வைத்ததை தொடர்ந்து, அதனை உயர்கல்வித்துறை மாற்றி அமைத்து இருக்கிறது.

அதுதொடர்பாக உயர்கல்வித் துறை அமைச்சர் கே.பி.அன்பழகன் நேற்று வெளியிட்டுள்ள செய்திக்குறிப்பில் கூறி இருப்பதாவது:-

அரசு கலை மற்றும் அறிவியல் கல்லூரிகளில் சேருவதற்கான விண்ணப்பப்பதிவு கடந்த 20-ந்தேதி தொடங்கியது. தற்போது வரை (நேற்று) 2 லட்சத்து 9 ஆயிரத்து 237 மாணவ-மாணவிகள் விண்ணப்பித்து இருக்கின்றனர். விண்ணப்பப்பதிவு செய்ய ஜூலை 31-ந்தேதி கடைசி நாள் ஆகும்.

இந்த நிலையில் அரசு மேல்நிலைப்பள்ளிகளில் பிளஸ்-2 வகுப்பு மதிப்பெண் பட்டியல்களை இணையதளம் மூலம் பதிவிறக்கம் செய்யப்பட்டு மாணவர்களுக்கு வழங்கப்பட்டு வருகிறது.

 மாணவர்கள் அந்த சான்றிதழை பதிவேற்றம் செய்ய கால அவகாசம் கோரியுள்ளனர். எனவே மாணவர்களின் கோரிக்கையை ஏற்று, ஏற்கனவே ஜூலை 25-ந்தேதி முதல் ஆகஸ்டு 5-ந்தேதி வரை சான்றிதழ் பதிவேற்றம் செய்யலாம் என இருந்ததை, ஆகஸ்டு 1-ந்தேதி முதல் 10-ந்தேதி வரை பதிவேற்றம் செய்யலாம் என மாற்றப்பட்டு இருக்கிறது. மாணவர்கள் www.tngasa.in என்ற இணையதளத்தில் சான்றிதழை பதிவேற்றம் செய்யலாம்.