யுபிஎஸ்சி சிவில் சர்வீஸ் தேர்வு: ஹால் டிக்கெட் வெளியீடு - மின்னல் கல்விசெய்தி

Latest

இங்கே தேடவும்!

ஆசிரிய நண்பர்களுக்கு அன்பு வேண்டுகோள்! தங்களின் படைப்புகளை மின்னல் கல்விச் செய்தி இணையதளத்தில் பதிவு செய்ய 9345616572 என்ற எண்ணிற்கு WHATSAPP ல் அனுப்பி வைக்குமாறு அன்புடன் கேட்டுக்கொள்கிறோம்! மிக்க நன்றி!

Tuesday, September 1, 2020

யுபிஎஸ்சி சிவில் சர்வீஸ் தேர்வு: ஹால் டிக்கெட் வெளியீடு

 யுபிஎஸ்சி சிவில் சர்வீஸ் தேர்வு: ஹால் டிக்கெட் வெளியீடு



யுபிஎஸ்சி சிவில் சர்வீஸ் முதல்நிலைத் தேர்வுக்கான நுழைவுச் சீட்டு வெளியிடப்பட்டுள்ளது. 


மத்திய அரசுப் பணியாளர் தேர்வாணையம் (யுபிஎஸ்சி) நடத்தும் 2020-21ம் ஆண்டுக்கான சிவில் சர்வீஸ் முதல்நிலைத் தேர்வு மே 31 ஆம் தேதி நடைபெறவிருந்த நிலையில், பொது முடக்கம் காரணமாக ஒத்திவைக்கப்பட்டது. 

இதையடுத்து, பொது முடக்கத்தில் பல்வேறு தளர்வுகள்  அறிவிக்கப்பட்டுள்ள நிலையில் முக்கியத் தேர்வுகளை நடத்தும் பணி தொடங்கியுள்ளது. இன்று முதல் 6 ஆம் தேதி வரை ஜேஇஇ தேர்வும், செப்டம்பர் 13ல் நீட் தேர்வும் நடைபெற உள்ளன. 


இதையடுத்து, மத்திய அரசு ஏற்கெனவே அறிவித்தபடி, சிவில் சர்வீஸ் முதல்நிலைத் தேர்வு அக்டோபர் 4 ஆம் தேதி நடைபெறவுள்ளது. இந்நிலையில், இதற்கான நுழைவுச் சீட்டு இன்று வெளியிடப்பட்டுள்ளது. தேர்வர்கள்  https://www.upsc.gov.in/ என்ற இணையதளத்தில் பதிவு எண், பிறந்த தேதி ஆகியவற்றை உள்ளிட்டு நுழைவுச் சீட்டை பதிவிறக்கம் செய்துகொள்ளலாம். 


சிவில் சர்வீஸ் முதன்மைத் தேர்வு 2021 ஜனவரி மாதம் 8 ஆம் தேதி முதல் 5 நாள்களுக்கு நடைபெறும் என்று அறிவிக்கப்பட்டுள்ளது குறிப்பிடத்தக்கது. 

No comments:

Post a Comment