குழந்தைகளுக்கு உதவி ஆணையம் அறிவிப்பு

 குழந்தைகளுக்கு உதவி ஆணையம் அறிவிப்பு

புதுடில்லி:கொரோனா நெருக்கடியால் தனித்து விடப்படும் குழந்தைகளுக்காக, டில்லி குழந்தை உரிமைகள் பாதுகாப்பு ஆணையம், சிறப்பு உதவி எண்ணை அறிவித்தது.

டி.சி.பி.சி.ஆர்., எனப்படும், டில்லி குழந்தை உரிமைகள் பாதுகாப்பு ஆணையம் வெளியிட்டு உள்ள அறிக்கையில் கூறப்பட்டுள்ளதாவது:பெற்றோர்கள் கொரோனா வைரசால் பாதிக்கப் பட்டு மருத்துவமனைகளில் அனுமதிக்கப்படுவதால், குழந்தைகள் தனித்து விடப்படுகின்றனர். இதனால், அவர்கள் பெரும் மன உளைச்சலுக்கு ஆளாகின்றனர்

எனவே, அவர்களுக்கு உதவும் வகையில், +91 93115 51393 என்ற சிறப்பு உதவி எண் அறிமுகம் செய்யப்படுகிறது. தனித்து விடப்படும் குழந்தைகளின் பிரச்னைகள், இதன் வாயிலாக தீர்க்கப்படும்.மருந்துகள் வினியோகம், தங்குவதற்கு இடம், உணவு, உடை போன்ற அத்தியாவசிய பொருட்கள் வழங்குவது உள்ளிட்ட அனைத்து ஏற்பாடுகளும் செய்யப்படும்.இவ்வாறு அதில் கூறப்பட்டுள்ளது