பொதுத் தேர்வுக்கு பழைய பாடம் கிடையாது

பத்தாம் வகுப்பு, பிளஸ் 1 மற்றும் பிளஸ் 2 வகுப்புகளுக்கு, இனி, பழைய பாடத்திட்டப்படி, பொதுத் தேர்வு நடத்தப்படாது' என, அரசுதேர்வுத் துறை அறிவித்துள்ளது.

அரசு தேர்வுத் துறை இயக்குனர், வசுந்தராதேவி வெளியிட்ட செய்திக்குறிப்பு: பள்ளி கல்வித் துறையில், 2018 - 19ம் கல்வி ஆண்டு முதல், பிளஸ் 1க்கு புதிய பாடத்திட்டம் அறிமுகமாகி உள்ளது. தற்போது, 2019 -20ம் கல்வி ஆண்டில், 10ம் வகுப்பு மற்றும் பிளஸ் 2க்கு, புதிய பாடத்திட்டம் அமலாகி உள்ளது. எனவே , 10ம் வகுப்பு, பிளஸ்1, பிளஸ் 2 ஆகிய வகுப்புகளுக்கு, அடுத்த ஆண்டு மார்ச்சில் நடத்தப்படும் பொதுத் தேர்வுகள், புதிய பாடத்திட்டத்தின் படியே நடத்தப்படும்; பழைய பாடத்திட்டம்கிடையாது. இந்த வகுப்புகளில், பழைய பாடத்திட்டத்தில், ஏற்கனவே தேர்வு எழுதி, சில பாடங்களில் தேர்ச்சி பெறாதவர்கள் , அந்த பாடங்களுக்கு, புதிய பாடத்திட்டத்தின் படியே தேர்வு எழுத வேண்டும். இவ்வாறு, அதில் கூறப்பட்டு உள்ளது