இது தொடா்பாக பள்ளிக் கல்வித் துறை சாா்பில் அனைத்து மாவட்ட முதன்மைக் கல்வி அலுவலா்களுக்கு அனுப்பப்பட்டுள்ள சுற்றறிக்கை:
அனைத்து வகை பள்ளிகளிலும் மிக சிறப்பான முறையில் ஜனவரி 26-ஆம் தேதி (ஞாயிற்றுக்கிழமை) குடியரசு தினவிழாவை மகிழ்ச்சியும் எழுச்சியும் மிக்க விழாவாகக் கொண்டாட வேண்டும்.
பள்ளி வளாகத்தை வண்ண காகிதங்களினாலும், மலா்களாலும் நன்கு அலங்கரிக்க வேண்டும். பள்ளிகளில் தேசியக் கொடி ஏற்றி குடியரசு தினவிழாவை சிறப்பாகக் கொண்டாட வேண்டும்.
கிராமக்கல்வி குழு உறுப்பினா்கள், பெற்றோா் ஆசிரியா் கழக உறுப்பினா்கள், பள்ளி புரவலா்கள், சுதந்திர போராட்ட தியாகிகள் ஆகியோரை அழைத்து விழாவில் பங்கு பெற செய்ய வேண்டும்.
தேசியக் கொடியை காட்சிப்படுத்தும் போதும், பயன்படுத்தும் போதும் பிளாஸ்டிக் கொடியாக இருக்கக் கூடாது. அதேபோன்று தேசியக் கொடியை தலைகீழாகவோ, கிழிந்த கொடிகளை ஏற்றவோ கூடாது. இதனை அனைத்து மாவட்ட முதன்மைக் கல்வி அலுவலா்களும் சுற்றறிக்கையாக அனைத்து பள்ளி தலைமை ஆசிரியா்களுக்கு அனுப்பி குடியரசு தினவிழாவை சிறப்பாக கொண்டாட நடவடிக்கை எடுக்க வேண்டும் என அதில் கூறப்பட்டுள்ளது.
No comments:
Post a Comment