10, 12ஆம் வகுப்பு தனித் தேர்வர்களுக்குப் பொதுத்தேர்வு உண்டா?- பள்ளிக் கல்வித்துறை விளக்கம் - மின்னல் கல்விசெய்தி

Latest

இங்கே தேடவும்!

ஆசிரிய நண்பர்களுக்கு அன்பு வேண்டுகோள்! தங்களின் படைப்புகளை மின்னல் கல்விச் செய்தி இணையதளத்தில் பதிவு செய்ய 9345616572 என்ற எண்ணிற்கு WHATSAPP ல் அனுப்பி வைக்குமாறு அன்புடன் கேட்டுக்கொள்கிறோம்! மிக்க நன்றி!

Wednesday, May 12, 2021

10, 12ஆம் வகுப்பு தனித் தேர்வர்களுக்குப் பொதுத்தேர்வு உண்டா?- பள்ளிக் கல்வித்துறை விளக்கம்

 10, 12ஆம் வகுப்பு தனித் தேர்வர்களுக்குப் பொதுத்தேர்வு உண்டா?- பள்ளிக் கல்வித்துறை விளக்கம்


10 மற்றும் 12ஆம் வகுப்பு தனித் தேர்வர்களுக்கு பொதுத்தேர்வு கட்டாயம் நடைபெறும் என்று பள்ளிக் கல்வித்துறை அதிகாரிகள் தெரிவித்துள்ளனர்.


கரோனா இரண்டாவது அலை தீவிரமடைந்து வருவதை அடுத்து, தமிழகத்தில் 10-ம் வகுப்பு மாணவர்கள் அனைவருக்கும் தேர்வுகள் எதுவுமின்றித் தேர்ச்சி வழங்கப்பட்டுள்ளது. எனினும் மேற்படிப்பைக் கருத்தில் கொண்டு, 12-ம் வகுப்பு மாணவர்களுக்கான பொதுத் தேர்வுகள் தேதி குறிப்பிடாமல் ஒத்திவைக்கப்பட்டுள்ளன.


இந்நிலையில் தனித் தேர்வர்களுக்கும் பொதுத் தேர்வுகள் ஒத்திவைக்கப்படுமா/ ரத்து செய்யப்படுமா என்று கேள்வி எழுந்தது. 12ஆம் வகுப்பு தனித் தேர்வர்களுக்கான பொதுத்தேர்வு மே மாதம் நடைபெறும் என்று அறிவிக்கப்பட்டிருந்த நிலையில், தேர்வுகள் நடத்தப்படுமா என்று கேள்வி எழுந்தது.


இதுகுறித்துப் பள்ளிக் கல்வித்துறை அதிகாரிகளிடம் கேட்டதற்கு, ''10, 12-ம் வகுப்புத் தனித் தேர்வர்களுக்குக்கும் கட்டாயம் பொதுத் தேர்வுகள் நடைபெறும். கரோனா சூழல் சரியாகி 12-ம் வகுப்புப் பொதுத் தேர்வு நடைபெறும்போது தனித் தேர்வர்களுக்கும் தேர்வை நடத்தலாமா என்பது குறித்து ஆலோசித்து வருகிறோம்.


எனினும் 12-ம் வகுப்புத் தனித் தேர்வர்கள் விண்ணப்பிப்பதற்கான காலம் முடிவடைந்துவிட்டது. 10-ம் வகுப்புத் தனித் தேர்வர்கள், பொதுத் தேர்வெழுத விண்ணப்பிக்க வேண்டிய தேதி குறித்து விரைவில் அறிவிப்பு வெளியாகும்'' என்று தெரிவித்தனர்.


கூடுதல் விவரங்களுக்கு: 14417 என்ற எண்ணைத் தனித் தேர்வர்கள் தொடர்பு கொள்ளலாம்.

No comments:

Post a Comment