மாதாந்திர உதவி தொகையுடன் அம்பத்தூர் அரசு ஐடிஐ-யில் பல்வேறு தொழிற்பயிற்சிகள்: பெண்கள் விண்ணப்பிக்க அழைப்பு

 மாதாந்திர உதவி தொகையுடன் அம்பத்தூர் அரசு ஐடிஐ-யில் பல்வேறு தொழிற்பயிற்சிகள்: பெண்கள் விண்ணப்பிக்க அழைப்பு

அம்பத்தூர் அரசு மகளிர் ஐடிஐயில் மாத உதவித் தொகையுடன் பல்வேறு தொழிற்பயிற்சிகள் வழங்கப்படுகின்றன. இதில் சேர பெண்கள் விண்ணப்பிக்கலாம்.

இதுதொடர்பாக சென்னை மாவட்ட ஆட்சியர் ரஷ்மி சித்தார்த் ஜகடே நேற்று வெளியிட்ட செய்திக் குறிப்பில் கூறியிருப்பதாவது: அம்பத்தூர் அரசு மகளிர் தொழிற்பயிற்சி நிலையத்தில் (ஐடிஐ) 2024-25 கல்வி ஆண்டுக்கான சேர்க்கை மே 10-ம் தேதிமுதல் நடந்து வருகிறது

இங்கு ஓராண்டு கால தையல் தொழில் நுட்பம், தேசிய தொழிற்பயிற்சி கவுன்சிலின் (NCVT) கம்ப்யூட்டர் ஆபரேட்டர் - புரோகிராமிங் அசிஸ்டென்ட் (‘கோபா’) பயிற்சி,சுருக்கெழுத்து (தமிழ், ஆங்கிலம்), 2 ஆண்டு கால கட்டிட பட வரைவாளர் படிப்புகள் வழங்கப்படு கின்றன.

வயது வரம்பு கிடையாது: தையல் படிப்பில் சேர 8-ம் வகுப்பு தேர்ச்சி பெற்றிருக்க வேண்டும். மற்ற படிப்புகளுக்கு 10-ம் வகுப்பு தேர்ச்சி அவசியம். வயது வரம்பு கிடையாது. பயிற்சியில் சேர்பவர்களுக்கு மாதம் ரூ.750 உதவித்தொகை வழங்கப்படும்.

6-ம் வகுப்பு முதல் பிளஸ் 2 வரை அரசு மற்றும் அரசு உதவி பெறும் பள்ளிகளில் படித்த மாணவிகள் கூடுதலாக ரூ.1,000 உதவித் தொகை பெறலாம். இலவச பேருந்து அட்டை, சைக்கிள், பாடப் புத்தகங்கள், வரைபட கருவிகள், 2 செட் சீருடைகள், ஷூ ஆகியவையும் வழங்கப்படும். படித்து முடித்தவுடன் சிறந்த தொழில் நிறுவனங்களில் வேலைவாய்ப்பு பெற்றுத் தரப்படும்.

பயிற்சியில் சேர விரும்புவோர் தங்கள் மதிப்பெண் சான்றிதழ், மாற்று சான்றிதழ் (டிசி), சாதிச்சான்றிதழ், ஆதார் அட்டை, பாஸ்போர்ட் அளவு புகைப்படங்கள்-5 ஆகியவற்றை எடுத்துவர வேண் டும்.

விண்ணப்ப கட்டணம் ரூ.50. நேரில் வர இயலாதவர்கள் www.skilltraining.tn.gov.in என்ற இணையதளத்தில் ஆன்லைன் மூலமாகவும் விண்ணப்பிக்கலாம் இவ்வாறு அவர் தெரிவித்துள்ளார்